Երուսաղեմի Ս․ Հարության տաճարում պեղումները շարունակվում են
Mon, 14 Sep 2026 23:00:52 +0400
Երուսաղեմի Սուրբ Հարության տաճարում ավարտվել է հետազոտությունների հնագիտա-պեղումնային փուլը։ Հետազոտությունները, հիշեցնենք, որ իրականացվում են տաճարի հատակի նորոգմամբ պայմանավորված։
Հայտնաբերված նյութերի ուսումնասիրությունը շարունակվում է։ Զուգահեռաբար՝ իրականացվում են ռեստավրացիոն աշխատանքներ։ Այս մասին հայտնում է Christian Media Center-ը։ Հնագիտական պեղումներն իրականացվել են Սուրբ Երկրի Կուստոդիայի հետ համատեղ։ Գիտական աշխատանքները կրում են Hagia Polis Project անվանումը։ Նախագծի շրջանակում ուսումնասիրվել են հնագիտական շերտերը, տաճարի ճարտարապետական էլեմենտները, իրականացվում է գտածոների եւ նյութերի անալիզ։ Նախատեսվում է վերականգնել տաճարի փայտե հնամենի դուռը եւ շրջիկ ցուցահանդես կազմակերպել՝ հայտնաբերված նյութերի եւ արտեֆակտների մասին։