Իրանում հանել են օտարերկրյա մեսենջերների օգտագործման արգելքը

Wed, 16 Sep 2026 10:00:27 +0400

Իրանի իշխանությունները պաշտոնապես հանել են պետական մարմինների կողմից օտարերկրյա մեսենջերների օգտագործման արգելքը։

Որոշումը հաստատել է կառավարության պաշտոնական ներկայացուցիչ Ֆաթեմե Մոհաջերանին։

Նրա խոսքով՝ պետական մարմինների ներկայությունն արտասահմանյան հարթակներում թույլ կտա ավելի ակտիվ մասնակցել տեղեկատվական դիմակայությանը: Ընդ որում, արգելքի վերացումը չի տարածվում ծառայողական նամակագրության վրա. օտարերկրյա մեսենջերների միջոցով դրա վարումը նախկինի պես սահմանափակված է տեղեկատվական անվտանգության պահանջներով:

Հատկանշական է, որ նախքան որոշում ընդունելը բազմաթիվ պետական կառույցներ շարունակում են օգտվել արտասահմանյան սոցիալական ցանցերից և մեսենջերներից։

Այսպես, պաշտոնական Telegram-ալիքներ և X-ի էջեր ունեն Իրանի ԱԳՆ-ն, կառավարությունը, նախագահի և երկրի գերագույն առաջնորդի աշխատակազմերը: