Ռուսաստանը կհարձակվի բոլորիս վրա․ ահազանգ՝ Լեհաստանից
Fri, 18 Sep 2026 16:00:27 +0400
Լեհաստանի վարչապետ Դոնալդ Տուսկը Սեյմում՝ երկրի խորհրդարանում հատուկ ելույթի ժամանակ ասել է, որ լեհական հետախուզության տվյալներով՝ Ռուսաստանը կարող է նոր ռեակտիվ անօդաչու սարքերով հարձակվել Լեհաստանի և Ուկրաինային աջակցող երկրների վրա։
Սա «առաջիկա մի քանի ամիսների ամենահավանական սցենարն է» մինչև վաղ գարուն, պնդել է նա։
«Սա մի սցենար է, որը ներառում է լուրջ իրադարձություններ և պահանջում է, որ մենք կենտրոնացած լինենք, լուրջ և, առաջին հերթին, ներքին առումով պատրաստված լինենք դժվար փորձություններին դիմակայելու համար», – ասել է Տուսկը:
Ավելի վաղ Լեհաստանի վարչապետը ճեպազրույց էր անցկացրել, որում հայտարարել էր, որ առաջիկա շաբաթների և ամիսների ընթացքում Ռուսաստանը կիրականացնի շատ ինտենսիվ գործողություններ, որոնք կարող են ազդել Լեհաստանի տարածքի վրա։