TikTok-ի հետ գործարքը չի կայանա
Mon, 21 Sep 2026 19:30:08 +0400
Միացյալ Նահանգներում Լոս-Անջելեսի ֆեդերալ դատավոր Ջորջ Վուն հասկացրել է որ մերժելու է հայտնի TikTok սոցկայքի սեփականատեր ByteDance ընկերության եւ Միացյալ Նահանգների Արդարադատության նախարարության միջեւ 400 միլիոն դոլարանոց համաձայնագրերի մի մասը։ Այս մասին հայտնում է Reuters լրատվական գործակալությունը։
Նշենք, որ օգոստոս ամսին պայմանավորվածություն էր ձեռք բերվել կարգավորել երեխաների կոնֆիդենցիալության պաշտպանության օրենսդրության հետ կապված խախտումները, որոնք տեղ են գտել սոցկայքում։ TikTok-ը համաձայնել էր վճարել 300 միլիոն միանգամից, իսկ 100 միլիոն դոլար էլ, եթե դատարանը չեղարկի 2019 թվականին կայացված որոշումը։ Սակայն դատավոր Վուն հայտարարել է, որ հակված է մերժելու հաշտարար որոշման համաձայնագիրը խզելու խնդրանքը։ Այս հարցով դատական նիստը կայանալու է այսօր։