Ֆուտբոլը վաճառքի ենթակա չէ․ Ալեքսանդր Չեֆերին

Thu, 24 Sep 2026 20:00:44 +0400

ՈՒԵՖԱ-ի նախագահ Ալեքսանդր Չեֆերինը քննադատել է ՖԻՖԱ-ի՝ FIFA Forward Enterprise (FFE) նախագիծը։ Նախագիծը ենթադրում էր ֆուտբոլի Աշխարհի առաջնության եւ ՖԻՖԱ-ի կազմակերպած մյուս մրցաշարերում որոշ իրավունքների վաճառք մասնավոր ներդրողներին։

Հիշեցնենք, որ նախագիծը մեծ աղմուկ էր բարձրացրել ֆուտբոլային աշխարհում, որով պայմանավորված՝ ՖԻՖԱ-ն հրաժարվել էր դրանից։ AS պարբերականի փոխանցման համաձայն, Չեֆերինը անդրադարձել է այդ նախագծին եւ հայտարարել է, որ ֆուտբոլը պատկանում է մարդկանց, ովքեր ֆուտբոլ են խաղում, ովքեր ֆուտբոլասեր են կամ երկրպագու, ովքեր ֆուտբոլին են նվիրել իրենց ողջ կյանքը եւ այն վաճառքի ենթակա չէ։