Զինվորականների զոհվելուց հետո Տոկաևը պաշտոնանկ է արել ՊՆ նախարարին

Sun, 27 Sep 2026 10:30:55 +0400

Ղազախստանի նախագահ Կասիմ-Ժոմարտ Տոկաևը Դաուրեն Կոսանովին ազատել է պաշտպանության նախարարի պաշտոնից։ Հայտարարությունը հրապարակվել է նախագահի կայքում։

Պաշտոնանկությունը տեղի է ունեցել Կասպից ծովում զորավարժությունների ժամանակ 14 ղազախ զինծառայողների զոհվելուց մի քանի օր անց։

Ավելի վաղ հայտնել էինք, որ սեպտեմբերի 24-ին Մանգիստաուի շրջանում «Խազար Կորգանի-2026» զորավարժությունների ժամանակ զինծառայողները «Կայսար» նավակից անձնակազմին իջեցնելիս ընկել են ծովի մեջ։ Երեքը փրկվել են, սակայն 14-ը մահացել են։

Ղազախստանի պաշտպանության նախարարության տվյալներով՝ միջադեպի պատճառը եղել են այն, որ ափամերձ շրջաններում եղանակային պայմանները կտրուկ վատացել են, իսկ քամիները ուժեղացել են։