Դիլիջանում սգո մեկ սրահ է գործում՝ հերթի տակ

Wed, 30 Sep 2026 12:45:35 +0400

Դիլիջան քաղաքում գործում է ընդամենը մեկ սգո սրահ, որը սպասարկում է շուրջ 27 հազար բնակիչ ունեցող այդ համայնքին եւ, հասկանալիորեն, բավարար չէ։ Դիլիջանցիներն ասում են, որ սգո սրահում հանգուցյալներին ընդունելու համար հերթեր են լինում, ստիպված հետ ու առաջ են գցում թաղումներն ու հոգեհանգիստները, որ պատշաճ կազմակերպեն արարողությունները։ Սգո սրահի օրական վճարը 60 հազար դրամ է։

Դիլիջանի համայնքապետարանի ինտերնետային կայքում եւ 2021թ․ փետրվարի 26-ից Դիլիջան համայնքը ղեկավարող Դավիթ Սարգսյանի ֆեյսբուքյան էջում ներկայացված են վերջին 5 տարում Դիլիջան համայնքում կատարված գործերը։ Այն, որ Դիլիջան քաղաքին եւ համայնքի 6 գյուղերին սպասարկող երկրորդ սգո սրահ չկա, որի հետեւանքով թաղումները հետաձգվում են, 5,5 տարի համայնքապետ աշխատող Դ․ Սարգսյանին դա չի մտահոգում, այլապես այդ խնդիրը լուծված կլիներ։ Բայց նա հավակնում է նորից համայնքապետ ընտրվել։