Սկանդալային սպանություն․ ինչ է հայտնի «Բոտևի» սեփականատիրոջ մահվան մասին

Wed, 30 Sep 2026 19:45:38 +0400

Բուլղարիայի Պլովդիվ քաղաքում գիշերային ժամերին տեղի ունեցած սպանությունը լայն արձագանք է ստացել երկրի ֆուտբոլային ու բիզնես շրջանակներում։ Կյանքից զրկվել է 53-ամյա գործարար Իլիյան Ֆիլիպովը, որը «Բոտև» ֆուտբոլային ակումբի խոշորագույն բաժնետերն էր։ Նրա մահը հաստատել է Բուլղարիայի Ներքին գործերի նախարարությունը։

Նախնական տեղեկությունների համաձայն՝ հանցագործությունը կատարվել է չորեքշաբթի գիշերը։ Ֆիլիպովը հրազենային մեկ վնասվածք է ստացել գլխի շրջանում։ Դեպքը տեղի է ունեցել նրան պատկանող անշարժ գույքի տարածքում։ Փաստի առթիվ իրավապահները քրեական վարույթ են սկսել՝ դիտարկելով կանխամտածված սպանության վարկածը։

Դեպքից հետո Պլովդիվում ուժեղացվել է ոստիկանական հսկողությունը։ Քաղաքի հիմնական մուտքերն ու ելքերը վերահսկվում են, իսկ ոստիկանությունը կանգնեցնում և ստուգում է կասկածելի թվացող մեքենաները։ Քննության շրջանակում ուշադրության կենտրոնում է նաև սպանության վայրի հարակից անտառային հատվածը։ Իրավապահները փորձում են պարզել՝ արդյոք հնարավոր հանցագործը այնտեղից է հետևել գործարարին և իրականացրել հարձակումը։

Այս պահին սպանության գործով որևէ անձ չի ձերբակալվել։