Մարդու օրգանիզմի հյուսվածքները փոխպատվաստել են կապիկին

Sat, 03 Oct 2026 20:30:10 +0400

Ճապոնացի գիտնականները մարդկային հիպոֆիզի հյուսվածքները, որոնք աճեցվել են մարդկային ցողունային բջիջներից՝ լաբորատոր պայմաններում, փոխպատվաստել են մակակա տեսակի կապիկին։ Վիրահատությունից հետո, կենդանու օրգանիզմում բարձրացել են այն հորմոնների պարունակության քանակը, որոնք կարգավորում են կորտիզոլի արտազատումը։ Գիտական փորձն իրականացվել է Նագոյայի համալսարանում։

Նախապես գիտնականները վիրահատական ճանապարհով հեռացրել են մակակա տեսակի կապկի հիպոֆիզի հյուսվածքները։ Ապա արդեն կատարել են փոխպատվաստումը։ Վերջնարդյունքում նաեւ նկատել են, որ կենդանու մոտ հորմոնալ պակասորդի պատճառով սկսված քաշի կորուստը կանգ է առել։ Գիտափորձը դեռեւս նախնական բնույթ ունի, քանի որ կենդանու իմունային համակարգը մերժում է մարդկային ծագման հյուսվածքը։ Ու հիմա գիտնականներն աշխատում են այն ուղղությամբ, հասկանալու համար, թե ինչպես է հնարավոր այդ իմունային մերժումը ճնշել։