Չորեքշաբթի , 18 Նոյեմբերի 2026

Արտասահմանյան գրականության ամբիոնը լուծարել են

Արտասահմանյան գրականության ամբիոնը լուծարել են

Thu, 08 Oct 2026 18:56:36 +0400


Մենք տեղեկացանք, որ ԵՊՀ Արտասահմանյան գրականության ամբիոնը, որը մայր բուհի ամենահին ամբիոններից մեկն է, այնուամենայնիվ, լուծարվել է: Ամբիոնի արդեն նախկին դասախոսներից մեկը «Հրապարակին» պատմեց, որ ամբիոնը լուծարվել է, իսկ պրոֆեսորադասախոսական կազմն ընդգրկվել է տարբեր ամբիոններում:

«Արտասահմանյան գրականություն» առարկան դեռևս կա բուհական ծրագրում, սակայն երկարամյա ամբիոնը` ոչ: Ամբիոնի նախկին վարիչ, գրող Հենրիկ Էդոյանը «Հրապարակի» հետ զրույցում հաստատեց, որ ամբիոնը լուծարվել է. «Վերջ, ամբիոն էլ չկա: Ամբիոնը փակված է», – ասաց երկարամյա դասախոսը:

Նրա խոսքով` դասախոսներին որևէ հստակ բացատրություն չեն տվել, պարզապես ասել են, որ պետք է այլ ամբիոններում շարունակեն իրենց աշխատանքը. «Մեկը անգլիական բանասիրության ամբիոնում է շարունակելու աշխատանքը, մյուսը` գերմանական, էդպես: Ես արդեն երեք տարի է չեմ աշխատում համալսարանում»:

Մենք նաև փորձեցինք մեկնաբանություն ստանալ մայր բուհից, սակայն ոչ ԵՊՀ խոսնակը, ոչ Եվրոպական լեզուների և հաղորդակցության ֆակուլտետի դեկանը մեր հեռախոսազանգերին չպատասխանեցին:

Հիշեցնենք, որ ամբիոնի լուծարման մասին գրել ենք դեռեւս հունիս ամսին, երբ Անուշ Սեդրակյանի հետ զրույցում տեղեկացանք, որ ամբիոնը ԵՊՀ գիտխորհուրդը որոշել է կառուցվածքային փոփոխությունների անվան տակ լուծարել, սակայն իրական պատճառը ամբիոնի վարիչի՝ Անուշ Սեդրակյանի ընդդիմադիր հայացքներն են։

© 2026 Secure News Portal

Source: Hraparak

Մասին Hraparak.am

Hraparak.am

Կարդացեք նաև

Ոչ թե «բալանավորված ու բալանսավորման քաղաքականություն», այլ ճոճանակի շարժման հետագիծ

Ոչ թե «բալանավորված ու բալանսավորման քաղաքականություն», այլ ճոճանակի շարժման հետագիծ Sat, 14 Nov 2026 19:45:52 …