Ինտրիգն ավարտվեց․ ո՞վ դարձավ 2026 թ․ Նոբելյան խաղաղության մրցանակի հավակնորդ (լուսանկար)

Fri, 09 Oct 2026 14:12:33 +0400

Նավի Փիլլեյը դարձել է 2026 թվականի Նոբելյան խաղաղության մրցանակի դափնեկիր։

Նորվեգիայի Նոբելյան կոմիտեն այս մասին հայտարարել է Օսլոյում։

Հեղինակավոր պարգևը շնորհվել է «խաղաղության և միջազգային իրավունքի խթանմանն ուղղված նրա ջանքերի» համար։

Այս տարի Նոբելյան խաղաղության մրցանակի համար առաջադրվել էր 287 թեկնածու՝ 208 անհատ և 79 կազմակերպություն։

Հատկանշական է, որ Կոմիտեն չի բացահայտում թեկնածուների անունները. առաջադրումների և թեկնածությունների քննարկման վերաբերյալ տեղեկատվությունը մնում է գաղտնի 50 տարի։

Հիշեցնենք, որ Հայաստանն ու Ադրբեջանը մրցանակի համար համատեղ առաջադրել էին ԱՄՆ նախագահ Դոնալդ Թրամփի թեկնածությունը։

Վերջինս, անդրադառնալով այդ բաղձալի պարգևին, բազմիցս հայտարարել է, թե հենց ինքն է արժանի այս տարվա մրցանակին, քանի որ ութ պատերազմ է կանգնեցրել, այդ թվում՝ հայ-ադրբեջանական հակամարտությունը։