Ամուլսարի առաջին ոսկին այլևս իրականություն է․ «Լիդիան Արմենիան» ազդարարել է հանքավայրի շահագործման մեկնարկը

Mon, 12 Oct 2026 16:47:28 +0400

Հոկտեմբերի 10-ին Ամուլսարի ոսկու հանքավայրում առաջին ոսկու կորզման և ձուլման հանդիսավոր արարողությամբ ազդարարվեց անկախ Հայաստանի պատմության ընթացքում հայտնաբերված առաջին հանքավայրի շահագործման մեկնարկը։

Հանքավայրի հայտնաբերումից և հետախուզումից մինչև ծրագրի զարգացում, կառուցում և շահագործման մեկնարկ՝ Ամուլսարն անցել է հանքարդյունաբերական ծրագրի զարգացման ամբողջական ճանապարհը։

Ամուլսարի առաջին ոսկին ոչ միայն ծրագրի երկարամյա աշխատանքի արդյունքն է, այլև ոսկի, որ արժեք է ստեղծում Հայաստանի տնտեսության, համայնքների, մարդկանց և երկրի հանքարդյունաբերության հետագա զարգացման համար։ Հանքավայրի շահագործման մեկնարկը խոշոր տնտեսական ազդակ է Հայաստանի համար, որը կապահովի նոր աշխատատեղերի ստեղծում, պետական բյուջեի եկամուտների ավելացում և կվկայի երկրի ներդրումային միջավայրի գրավչության մասին։

Ամուլսարի ծրագիրն իրականացվում է «Լիդիան Արմենիա» ընկերության և Հայաստանի Հանրապետության կառավարության ռազմավարական համագործակցության շրջանակում։ Հայաստանի Հանրապետությունը «Լիդիան Արմենիա» ընկերության 12.5 տոկոս բաժնեմասի սեփականատերն է։

Ամուլսարի ծրագրում ընդհանուր առմամբ ընկերությունը ներդրել է շուրջ 750 մլն ԱՄՆ դոլար, որից 150 մլն ԱՄՆ դոլարը տրամադրել է «Ամերիաբանկը»՝ ՀՀ կառավարության կողմից տրված բյուջետային երաշխիքի հիման վրա։

Ամուլսարի ծրագրի շրջանակներում «Լիդիան Արմենիան» առաջին անգամ Հայաստանում ներդրել է ժամանակակից ու պատասխանատու հանքարդյունաբերության միջազգային առաջատար փորձն ու չափանիշները՝ ձևավորելով նոր մշակույթ Հայաստանի հանքարդյունաբերության ոլորտում։

Կից տեսանյութում ներկայացնում ենք Լիդիան Արմենիա ընկերության անցած ճանապարհն ու Ամուլսարի ծրագրի զարգացումը՝ գաղափարից մինչև առաջին ոսկի։