Շնորհակալագիրն էլ է ընտրակաշառքի ձեւ
Mon, 12 Oct 2026 18:57:55 +0400
Նիկոլ Փաշինյանի քավոր մարզպետը Իջևանի ՏԻՄ ընտրություններից առաջ որոշել է շնորհակալագրեր հանձնել մի շարք պետական ծառայողների: Ղալումյանը գրել է. «Այսօր շնորհակալագրեր եմ հանձնել․ ՊԵԿ հարկային ծառայության հարկ վճարողների սպասարկման վարչության թիվ 13 բաժնի պետ Մանյա Ներսիսյանին՝ ՊԵԿ հարկային ծառայության համակարգում երկարամյա, նվիրված ու պատասխանատու աշխատանքի, ինչպես նաև համակարգի կայացման ու զարգացման գործում ունեցած մեծ ավանդի համար։ Իջևանի թիվ 5 հիմնական դպրոցի տնօրեն Նինա Պողոսյանին՝ կրթության բնագավառում բազմամյա նվիրումի, բարձր պատասխանատվությամբ իրականացրած գործունեության, սերունդների կրթման գործում ունեցած անգնահատելի ավանդի և բարեխիղճ աշխատանքի համար»։
Նկատենք, որ Մանյա Ներսիսյանը Արմեն Ղուլարյանի մերձավորներից է, և Իջևանում նախկին իշխանությունների ժամանակ տարբեր պաշտոններ է զբաղեցրել: