Զելենսկի – Թրամփ «պատերազմը» շարունակվում է

Tue, 13 Oct 2026 09:30:11 +0400

ԱՄՆ նախագահ Դոնալդ Թրամփը հայտարարել է, որ Վլադիմիր Զելենսկին պետք է կենտրոնանա ՌԴ-ի հետ գործարք կնքելու վրա։
«Զելենսկին պետք է կենտրոնանա գործարքի կնքման վրա, ոչ թե այդ մասին խոսելու», – լրագրողներին ասել Է Թրամփը:

ԱՄՆ նախագահը խոսել է Ռուսաստանի նախագահ Վլադիմիր Պուտինի և Վլադիմիր Զելենսկու հանդիպման անհրաժեշտության մասին։
«Զելենսկին և Պուտինը պետք է հանդիպեն և վերջ դնեն այս անհեթեթ պատերազմին», – ասել Է Թրամփը:

Հոկտեմբերի 11-ին ԱՄՆ նախագահ Դոնալդ Թրամփը հայտարարեց, որ Զելենսկին պետք է ընտրություններ անցկացնի Ուկրաինայում։ Նա նաև նշեց, որ Զելենսկին խնդիրներ է ստեղծում ամբողջ աշխարհի համար։ Թրամփի կարծիքով` Ուկրաինային անհրաժեշտ է նոր առաջնորդ, որը կկարողանա պայմանավորվել Ռուսաստանի հետ։

Վլադիմիր Զելենսկին իր հերթին հայտարարեց, որ պատրաստ է Ուկրաինայում ընտրություններ անցկացնելու հարցով զբաղվել միայն այն դեպքում, եթե Ռուսաստանի հետ առնվազն 60-օրյա լիակատար հրադադար հաստատվի։