Ցուցարարները ներխուժել են կառավարական շենք եւ ավերածություններ արել

Fri, 16 Oct 2026 23:45:58 +0400

Ալբանիայում հակակառավարական ցույցի մասնակիցները ներխուժել են Էկոնոմիկայի նախարարության շենք եւ քանդուքարափ արել շենքի աշխատասենյակները։ Այս մասին հայտնում է Albanian Daily News-ը։ Ցուցարարները սկսել են շենքից տանել սարքավորումներն ու կահույքը։ Հաղորդման համաձայն՝ ցուցարարները վնասել են նաեւ Կենտրոնական ընտրական հանձնաժողովի շենքը։ Նշենք, որ մեծածավալ բողոքի ցույցերը Ալբանիայում սկսվել են հոկտեմբերի տասներեքից՝ ուսանողական ցույցով, որի ընթացքում բախումներ են եղել իրավապահների հետ։ Հաջորդ օրն արդեն ցույցերը շարունակվել են նոր թափով։ Ցուցարարները պահանջում են վարչապետ Էդի Ռամայի հրաժարականը։