Հայաստանում կայանալու են Ֆրանկոֆոնիայի 10-րդ միջազգային մարզամշակութային խաղեր

Mon, 19 Oct 2026 18:19:04 +0400

2027 թվականի հուլիսի 23-ից օգոստոսի 1-ը Հայաստանում կայանալու են Ֆրանկոֆոնիայի 10-րդ միջազգային մարզամշակութային խաղերը։ Միջոցառմանն ընդառաջ նախատեսվում է մրցույթների անցկացում՝ տարբեր մշակութային անվանակարգերով։

ՀՀ կրթության, գիտության, մշակույթի և սպորտի նախարարությունը հայտարարում է հայտերի հավաքագրում հետևյալ մշակութային անվանակարգերում մասնակցության համար․

•Թատրոն
•Պար
•Երգեցողություն
•Լուսանկարչություն
•Կերպարվեստ
•Քանդակագործություն
•Գնդակով աճպարարություն
• Գրականություն
• Հեքիաթասացություն
• Թվային ստեղծարարություն

Մրցույթին կարող են մասնակցել 18-35 տարեկան Հայաստանի Հանրապետության քաղաքացիները։ Յուրաքանչյուր անվանակարգի դիմումի հայտաձևը, ինչպես նաև մասնակցության և ընտրության հստակ պայմանները կցված են։

Լրացված հայտերն անհրաժեշտ է ուղարկել culturefrancophonie@gmail.com էլեկտրոնային հասցեին:

Հայտերի ներկայացման վերջնաժամկետը 2026 թվականի նոյեմբերի 30-ն է:

Հավելյալ տեղեկությունների համար կարող եք զանգահարել՝ 010599699/531/։