Լեպսը լուրջ կորուստ ունի

Sat, 14 Nov 2026 14:30:42 +0400

Մոսկվայի և Մերձմոսկովյան շրջանի դատարանները բավարարել են աշնանը «Լոֆթ Գրուպ» ռեստորանային ընկերության դեմ ներկայացված վեց հայցերից երկուսը։ Այս մասին հայտնում է ՌԻԱ Նովոստին՝ հղում անելով դատական նյութերին։ «Լոֆթ Գրուպ» ընկերության 80%-ը պատկանում է երգիչ Գրիգորի Լեպսին։

Դատարանի որոշման համաձայն՝ ընկերությունը պետք է գրեթե 123 հազար ռուբլի վճարի Մերձմոսկովյան շրջանում գրանցված «Ռիթեյլ Լոգիստիկ» ՍՊԸ-ին, որը զբաղվում է խմիչքների մեծածախ առևտրով, և մոտ 262 հազար ռուբլի՝ սննդամթերքի մեծածախ մատակարարումներում մասնագիտացած անհատ ձեռնարկատեր Դմիտրի Կլիմովիցկուն։

Ավելի քան 600 հազար ռուբլի ընդհանուր գումարի ևս երեք հայց գտնվում է քննության փուլում։ 2648 ռուբլու բռնագանձման պահանջով վեցերորդ հայցադիմումը դեռ վարույթ չի ընդունվել։
«ԲԻՐ-Անալիտիկ» ծառայության տվյալներով՝ 2025 թվականի արդյունքներով «Լոֆթ Գրուպ» ընկերության զուտ վնասը կազմել է գրեթե 234 միլիոն ռուբլի, հայտնում է Սպուտնիկ-ը։