Զելենսկին չի ընդունում Դոնբասից հրաժարվելու գաղափարը

Sat, 14 Nov 2026 22:15:04 +0400

Ուկրաինայի նախագահ Վոլոդիմիր Զելենսկին հայտնել է, որ Միացյալ Նահանգներն առաջին անգամ հարցրել են՝ արդյոք Կիևը կքննարկի Դոնբասի չգրավված տարածքներից դուրս գալու տարբերակը՝ Հյուսիսատլանտյան դաշինքին անդամակցության դիմաց։

Զելենսկին ընդգծել է, որ Ուկրաինան չի ճանաչի օկուպացված տարածքները որպես ռուսական և չի ամրագրի չեզոք կարգավիճակ իր Սահմանադրությամբ։

Նրա խոսքով՝ անվտանգության համապարփակ փաթեթը պետք է ներառի ՆԱՏՕ-ի և Եվրամիության երաշխիքներ, ուժեղ բանակ, կայուն ֆինանսավորում և վերականգնման ծրագիր։ Եթե գործընկերները ներկայացնեն հստակ առաջարկ, հարցը կարող է դրվել հանրային քննարկման։