Ստամբուլ-Երևան-Ստամբուլ երթուղով իրականացվել է 1-ին կանոնավոր բեռնափոխադրող չվերթը
Mon, 16 Nov 2026 11:23:29 +0400

Թուրքիայի ազգային «Turkish Airlines» ավիաընկերության բեռնափոխադրումների ծառայությունը՝ «Turkish Cargo»-ն հայտնել է, որ նոյեմբերի 15-ին իրականացրել է Ստամբուլ-Երևան-Ստամբուլ երթուղով առաջին կանոնավոր բեռնափոխադրող չվերթը։
«Aeroportist» ավիացիայի և օդային փոխադրումների ոլորտը լուսաբանող մասնագիտացված լրատվական հարթակը նշել է, որ տարածաշրջանային ղեկավարության և օպերացիոն թիմի համակարգմամբ իրականացված այս հատուկ չվերթը նպատակ ունի երկու երկրների միջև ապահովել արդյունավետ և հուսալի բեռնափոխադրումների՝ միաժամանակ ընդլայնելով ընկերության գլոբալ լոգիստիկ ցանցը։
Հիշեցնենք, որ 2026-ի մարտից «Turkish Airlines»-ը կանոնավոր չվերթներ է իրականացնում Ստամբուլ-Երևան-Ստամբուլ ուղղությամբ, գրում է Ermenihaber-ը։
Source: Hraparak
Լրահոս – Lrahos Լուրերի անսպառ աղբյուր