Հանդիպումն են նախապատրաստում
Mon, 16 Nov 2026 22:30:59 +0400

Ուկրաինայի արտգործնախարար Անդրեյ Սիբիգան հայտարարել է, որ Ուկրաինան և Հունգարիան հանդիպում են նախապատրաստում նախագահ Վլադիմիր Զելենսկու և վարչապետ Պետեր Մադյարի միջև՝ հուսալով լրացնել երկկողմ հարաբերությունները նոր համատեղ նախագծերով։
«Դեկտեմբերի 3-ին մենք կնշենք Ուկրաինայի և Հունգարիայի միջև դիվանագիտական հարաբերությունների հաստատման 35-ամյակը: Մենք աշխատում ենք մեր համագործակցությունը լրացնելու կոնկրետ, փոխշահավետ նախագծերով»,- գրել է Սիբիգան սոցիալական ցանցերում։
Նախարարը հայտնել է, որ Բրյուսելում ԵՄ արտաքին հարաբերությունների խորհրդի նիստի շրջանակներում բանակցություններ է վարել Հունգարիայի արտգործնախարար Անիտա Օրբանի հետ։
Կողմերը պայմանավորվել են օգտագործել «դրական թափը» երկու երկրների հարաբերություններում և համատեղ նախապատրաստել առաջնորդների հանդիպումը, որը պետք է կայանա մինչև նոյեմբերի վերջ։
Ըստ Սիբիգայի՝ Ուկրաինան և Հունգարիան վերանայել են երկկողմ օրակարգը և առանձնացրել համագործակցության համար ամենահրատապ խնդիրները։ Դրանց թվում են ենթակառուցվածքները, տրանսպորտային կապերը, առևտուրը, էներգետիկան, ազգային փոքրամասնությունների իրավունքները, տարածաշրջանային անվտանգությունը և Ուկրաինայի անդամակցությունը Եվրամիությանը:
Source: Hraparak
Լրահոս – Lrahos Լուրերի անսպառ աղբյուր