Պետությունից աջակցություն կստանան

Tue, 28 Apr 2026 18:30:37 +0400

Ամերիկյան բյուջետային Frontier Airlines եւ Avelo Airlines ավիաընկերությունները հույս ունեն, որ գործող ամերիկյան վարչակազմից կստանան պետական ֆինանսական օգնություն՝ 2,5 միլիարդ դոլարի չափով՝ այն երաշխիքների դիմաց, որը թույլ է տալիս կառավարությանը ձեռք բերել իրենց բաժնետոմսերը։ Այս մասին հայտնում է The Wall Street Journal պարբերականը։ Համաձայն հոդվածի, հենց այդքան գումար է կազմում այս տարվա երկրորդ կեսին երկու ավիաընկերությունների կողմից հավելյալ ծախսելիք միջոցները։

Հաշվարկի հիմքում դրված է այն կանխավարկածը, որ վառելիքի գինը 1 գալոնի կամ 3,79 լիտրի դիմաց կմնա 4 դոլար՝ մինչեւ այս տարվա վերջ։ Երկու ավիաընկերությունները հայտ են ներկայացրել այն ժամանակ, երբ դաշնային կառավարությունը առանձին դիտարկում է մինչեւ կես միլիարդ դոլարով Spirit Airlines-ին ֆինանսական աջակցություն ցուցաբերելու հարցը, որպեսզի կանխի վերջինիս կազմալուծումը։