Երեքշաբթի , 17 Նոյեմբերի 2026

Ուկրաինական կարգավորման հարցում առաջընթաց կա․ ի՞նչ է սպասվում

Ուկրաինական կարգավորման հարցում առաջընթաց կա․ ի՞նչ է սպասվում

Tue, 17 Nov 2026 11:00:48 +0400


ԱՄՆ նախագահի հատուկ բանագնաց Ջարեդ Քուշները հայտնել է, որ այսօր ինքն ու Սթիվ Ուիտկոֆը բանակցություններ են վարել Ռուսաստանի նախագահի օգնական Յուրի Ուշակովի հետ: Կողմերը քննարկել են ուկրաինական հակամարտության կարգավորման գործընթացում ձեռք բերված առաջընթացը և խաղաղ գործընթացի հետագա քայլերը:

«Ուիտկոֆը և ես զրուցեցինք Յուրի Ուշակովի հետ, որպեսզի քննարկենք այն առաջընթացը, որին մենք հասել ենք և խաղաղ գործընթացի հաջորդ քայլերը», – գրելէՔուշները X սոցիալական ցանցում:

Նրա խոսքով, չնայած կողմերի միջև շարունակվող տարաձայնություններին, ոչ հրապարակային բանակցությունների ընթացքում ի հայտ են գալիս կառուցողական առաջարկներ, որոնք կարող են նպաստել խաղաղ գործընթացի առաջմղմանը:

Միևնույն ժամանակ, Քուշներն ընդգծել է, որ ցանկացած վերջնական պայմանավորվածություն պետք է համաձայնեցվի անմիջապես Մոսկվայի և Կիևի հետ:

Ամերիկյան բանագնացը նաև հայտնել է ուկրաինական կարգավորման շուրջ հաջորդ բազմակողմ հանդիպման օրակարգի նախապատրաստման մեկնարկի մասին: Նրա խոսքով՝ բանակցությունների կազմակերպման աշխատանքներն արդեն ընթանում են, իսկ բուն հանդիպումը կարող է կայանալ մոտ ժամանակներս:

© 2026 Հրապարակ

Source: Hraparak

Մասին Hraparak.am

Hraparak.am

Կարդացեք նաև

Նոր հանդիպում է սպասվում․ Սթիվեն Վիթքոֆ

Նոր հանդիպում է սպասվում․ Սթիվեն Վիթքոֆ Fri, 13 Nov 2026 18:30:04 +0400 Ուկրաինական կարգավորման հարցով …

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով