Չորեքշաբթի , 18 Նոյեմբերի 2026

Մահացել է ՀՀ ժողովրդական արտիստ Հակոբ Ազիզյանը

Մահացել է ՀՀ ժողովրդական արտիստ Հակոբ Ազիզյանը

Tue, 17 Nov 2026 20:52:53 +0400


Խոր ցավով հայտնում ենք, որ կյանքից հեռացել է Հայաստանի Հանրապետության ժողովրդական արտիստ, Վանաձորի պատվավոր քաղաքացի, անվանի դերասան, «Երջանիկ տարեցներ» գիտամշակութային միության անդամ ՀԱԿՈԲ ԱԶԻԶՅԱՆԸ։

Հայ մշակութային կյանքը ևս մեկ անդառնալի կորուստ կրեց։ Հակոբ Ազիզյանն իր տաղանդով, դերասանական ինքնատիպ ձեռագրով և արվեստին անմնացորդ նվիրումով արժանի տեղ է զբաղեցրել հայ թատերարվեստի երախտավորների շարքում։

Նա ժողովրդի սիրելին էր, մեր ժամանակների բեմի արքան, հայ թատրոնի «Լիր արքան», «Գիժ Դանելը», «Երանոսը» և բազմաթիվ այլ անմոռանալի կերպարներ կերտած մեծանուն արտիստը, գնաց ու միացավ իր հզոր երամին…

Նրա ստեղծագործական ուղին, բեմական կերպարներն ու մշակութային վաստակը երկար կմնան հանդիսատեսի հիշողության մեջ։ Մեզ համար նա ոչ միայն ճանաչված արվեստագետ էր, այլև մեր միության հարազատ անդամ, որի ներկայությունն ու մարդկային նկարագիրը կմնան մեր հիշողություններում։

«Երջանիկ տարեցներ» գիտամշակութային միությունը, նախագահ Աշոտ Դալլաքյանի գլխավորությամբ խորին ցավակցություն է հայտնում Հակոբ Ազիզյանի ընտանիքին, հարազատներին, գործընկերներին, արվեստակից ընկերներին և նրա արվեստը գնահատողներին։

Հիշատակն անմար, վաստակը՝ հավերժ։

Հոգիդ խաղաղությամբ հանգչի սիրելի’ մաեստրո։

Աշոտ Դալլաքյան

© 2026 Հրապարակ

Source: Hraparak

Մասին Hraparak.am

Hraparak.am

Կարդացեք նաև

Ինքնաբացարկ հայտնած դատավորին պատժում են

Ինքնաբացարկ հայտնած դատավորին պատժում են Thu, 29 Oct 2026 20:15:30 +0400 Արդարադատության նախարարությունն, ի դեմս …

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով