Չորեքշաբթի , 18 Նոյեմբերի 2026

Բելլա և Ջիջի Հադիդների 78-ամյա հայրն ամուսնանում է 43-ամյա ռուս մոդելի հետ

Բելլա և Ջիջի Հադիդների 78-ամյա հայրն ամուսնանում է 43-ամյա ռուս մոդելի հետ

Wed, 18 Nov 2026 22:08:57 +0400


Սուպերմոդելներ Ջիջի և Բելլա Հադիդների հայրը՝ պաղեստինա-ամերիկացի 78-ամյա կառուցապատող Մոհամեդ Հադիդը, ամուսնանում է երրորդ անգամ։ Նրա ընտրյալը ռուսական ծագում ունեցող 43-ամյա մոդել և հեռուստահաղորդավարուհի Քենի Սիլվան է (իսկական անունը՝ Քսենիա Սիլվա)։ Այս մասին հայտնում են People-ը և Page Six-ը։

Նշանադրության մասին զույգը հայտարարել է Vogue Arabia Ball 2026: Art Edition պարահանդեսի ժամանակ, որն օրերս տեղի է ունեցել Դուբայում։ Կարմիր գորգին Քենին ցուցադրել է խոշոր ադամանդով մատանին, իսկ Vogue Arabia-ին տված հարցազրույցում պատմել է, որ նշանադրության մասին հայտարարելու համար ընտրել է հենց այս միջոցառումը, քանի որ այն իրեն հիշեցրել է «արքայադստեր մասին հեքիաթ»։ Բացի այդ, մոդելը հույս է հայտնել, որ իր պատմությունը կոգեշնչի ամուսնալուծություն կամ բաժանում վերապրած կանանց կրկին հավատալ սիրուն։

Քենիի խոսքով՝ Մոհամեդն իրեն ամուսնության առաջարկություն է արել Բևեռլի Հիլզի լեգենդար Polo Lounge ռեստորանում։ Դա իր համար լիակատար անակնկալ է եղել․ մուլտիմիլիոնատերն ընտրյալին խնդրել է «գեղեցիկ հագնվել»՝ բացատրելով, որ պատրաստվում են նշել ինչ-որ իրադարձություն։ Ինքը՝ Սիլվան, ենթադրել էր, որ առիթն իր մասնագիտական ձեռքբերումներն են։

Պատմելով փեսացուի մասին՝ մոդելը նշել է, որ հատկապես հիանում է նոր նպատակների հասնելու նրա ձգտմամբ, «հիասքանչ սրտով, արտասովոր կրքով ու առատաձեռնությամբ»։ Հադիդն իր հերթին խոստովանել է, որ ընտրյալին սիրահարվել է գրեթե առաջին հայացքից։ Այն հատկանիշների շարքում, որոնք իրեն ամենաշատն են գրավում Սիլվայի մեջ, նա նշել է վերջինիս «պարզությունը, սերը կյանքի և երեխաների հանդեպ»։

© 2026 Հրապարակ

Source: Hraparak

Մասին Hraparak.am

Hraparak.am

Կարդացեք նաև

Վեպ՝ մարդ մնալու իրավունքի մասին

Վեպ՝ մարդ մնալու իրավունքի մասին Tue, 17 Nov 2026 21:00:27 +0400 Սոնա Աբգարյանի «Եվա» վեպը, …

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով