Շաբաթ , 21 Նոյեմբերի 2026

Հայաստանը Եվրոպայից իրեն պետք եղածից ավելին չի վերցնի

Հայաստանը Եվրոպայից իրեն պետք եղածից ավելին չի վերցնի

Fri, 20 Nov 2026 19:15:39 +0400


Անկախ նրանից, թե ինչ մտադրություններով ու ինչի համար է Հայաստան ժամանում Գերմանիայի արտաքին գործերի նախարարը, անկախ նրանից, թե Եվրոպայում եւ հատկապես Գերմանիայում ինչն են համարում տարածաշրջանում Ռուսաստանի ազդեցության մեծացում եւ ինչը չեն համարում, միեւնույն է, Հայաստանն այլեւս այն երկիրը չէ, որի համար Եվրոպայից հնչող ցանկացած գնահատական Սուրբ գրքից արված մեջբերման նշանակություն ունի:

Ինչպես Հայաստանի նկատմամբ Ռուսաստանի այսօրվա տնտեսական պատժամիջոցներն ու Հայաստանի տնտեսության վրա դրանց հետեւանքները, այնպես էլ Հայաստանի նկատմամբ նոր եւ ավելի զգայուն պատժամիջոցներ կիրառելու Ռուսաստանի դրսեւորած վճռականությունը ստիպում է, որ Հայաստանը լուրջ վերապահումներով վերաբերվի ինչպես տարածաշրջանում Ռուսաստանի ազդեցության մեծացում թույլ չտալու կարեւորության մասին եվրոպական գնահատականին, այնպես էլ այսօրվա եւ վաղվա ռուսական պատժամիջոցների հետեւանքները մեղմելու եվրոպական խոստումներին:

Դա, իհարկե, չի նշանակում, թե Հայաստանի համար այլեւս կարեւոր չեն, ավելի ճիշտ՝ Հայաստանի համար այլեւս զրոյական են Եվրոպան ու եվրոպականը: Ոչ, իհարկե՝ ոչ: Հայաստանն ինչպես «շատ բան» է վերցրել, այնպես էլ կշարունակի «շատ բան» վերցնել Եվրոպայից: Սակայն, ի տարբերություն նախորդ Հայաստանի, այս Հայաստանն արդեն լավ գիտի, որ կա մի բան, որն ինքը չի կարող եւ երբեք չպետք է վերցնի Երոպայից: Եվ այդ անթույլատրելին Եվրոպայից Հայաստանին պետք եղածից ավելին վերցնելն է:
Այս իմաստով, ինչպես Եվրոպայում եվրոպացիները, այնպես էլ Հայաստանում Հայաստանի օրվա իշխանավորները պետք է հասկանան, որ այնքան, ինչքան Հայաստանն իրեն Եվրոպային՝ Եվրոպայի թույլ տվածից ավելի պակաս մոտ գտնվելը չի կարող թույլ տալ, այդքան էլ չի կարող թույլ տալ Ռուսաստանից՝ նրանից ունեցած իր տնտեսական եւ անվտանգային կախվածության թույլատրելիից ավելի հեռու գտնվել:

Գալուստ ՍԱՐԳՍՅԱՆ

© 2026 Հրապարակ

Source: Hraparak

Մասին Hraparak.am

Hraparak.am

Կարդացեք նաև

Եվրոպական լրագրողների ֆեդերացիան միացել է Հայաստանի ժուռնալիստների միությանը

Եվրոպական լրագրողների ֆեդերացիան միացել է Հայաստանի ժուռնալիստների միությանը Sat, 21 Nov 2026 16:57:42 +0400 Եվրոպական …

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով