Ինչ է կատարվում Նոր Նորքում

Mon, 16 Mar 2026 14:45:27 +0400

Համացանցում տարածվում են կադրեր Նոր Նորք վարչական շրջանից, որտեղ գիշերվա անձրևից հետո փողոցներից մեկում , կարծես, գետ է առաջացել։ Օգտատերերը հրապարակում են տեսանյութեր և լուսանկարներ՝ նշելով, որ տեղում մեծ լճակ է գոյացել, ինչը դժվարացնում է քաղաքացիների և մեքենաների տեղաշարժը։

Սոցցանցերում տարածվող կադրերի ֆոնին շատերը նշում են, որ մինչ քաղաքապետարանը խոսում է տարբեր ցուցանիշների բարելավման մասին, Երևանի մի շարք հատվածներում պահպանվում են տարրական ենթակառուցվածքային խնդիրները, ինչի վառ օրինակներից մեկը անձրևից հետո առաջացած այս լճացած հատվածն է: