Ինչի մասին է անկեղծացել հայտնի սերիալի դերասանուհին

Wed, 08 Apr 2026 23:30:23 +0400

«Ընկերները» հայտնի սերիալի դերասանուհիներից Լիզա Քուդրոուն անկեղծացել է, որ նկարահանումների ժամանակ իրեն համարել են «ավելորդ»։ Այս մասին գրում է Independent պարբերականը։ «Նկարահանումների ժամանակ ոչ մեկն իմ հետ գործ չուներ։ Իմ դերասանական գործակալության որոշ ներկայացուցիչներ ինձ անվանում էին «վեցերորդ շրջանակ»»,- ասել է Քուդրոուն։

Նա նաեւ ասել է, որ կա տարբերություն սերիալում իր կերտած կերպարի բնավորության եւ իր՝ որպես մարդ, խառնվածքի միջեւ։ «Սկզբում Ֆիբին շատ շատ «հեռու» էր ինձանից։ Շատ ջանքեր էի ստիպված ներդնել, որպեսզի հիմնավորեմ այն, ինչը նա ասում էր կամ անում։ Դա զվարճալի էր։ Տասը տարվա ընթացքում իմ բնավորությունը մի փոքր նմանվել է նրան»,- ասել է դերասանուհին։