Նորից հիշեցին Աջափնյակի մետրոյի կայարանի մասին

Mon, 20 Apr 2026 12:44:51 +0400

Տիգրան Ավինյանը հայտարարել է, որ Աջափնյակի մետրոյի կայարանի կառուցումը հանդիսանում է Երևանի քաղաքապետարանի ամենակարևոր և առաջնահերթ ծրագրերից մեկը։ Այս մասին նա նշել է գործակարգավորական նիստի ընթացքում՝ ընդգծելով նախագծի ռազմավարական նշանակությունը քաղաքի համար։

Քաղաքապետը հանձնարարել է, որ այսուհետ մետրոյի կայարանի կառուցման գործընթացի վերաբերյալ զեկույցները ներկայացվեն շաբաթական պարբերականությամբ և լինեն օրակարգի առաջին հարցը։ Նրա խոսքով՝ սա նպատակ ունի ապահովել ծրագրի շարունակական վերահսկողությունն ու արագ առաջընթացը։

Տիգրան Ավինյանը նաև ընդգծել է, որ անձամբ է հետևելու աշխատանքներին՝ պարբերաբար կապ հաստատելով պատասխանատու անձանց հետ, ուղարկելով գրություններ և հետևողականորեն հիշեցնելով ծրագրի կարևորության մասին։ Նա նշել է, որ ակնկալում է ամեն շաբաթ մանրամասն տեղեկատվություն կատարված աշխատանքների վերաբերյալ։

«Զանգահարելու եմ գործընկերներին, գրություն ուղարկելու, հոգնեցնել, զզվեցնել այս թեմայով:Ես դա իրականացնելու եմ»,- նշել է նա: