Ինչ նամակ են հանձնում ԵՄ ներկայացուցչությանը

Wed, 29 Apr 2026 12:32:09 +0400

Եվրոպական քաղաքական ընտանիքների անդամ 6 հայկական կուսակցություններն համատեղ նամակով դիմել են ԵՄ ղեկավարությանը, Երևանում կայանալիք Եվրոպական Քաղաքական Համայնքի գագաթնաժողովի մասնակիցներին և իրենց քաղաքական ընտանիքների ղեկավարներին, բարձրաձայնելով Հայաստանում տիրող հակաժողովրդավարական զարգացումների, ինչպես նաեւ Ադրբեջանում պահվող մեր հայրենակիցների և արցախահայության խնդիրների մասին։

Նամակի հեղինակներն են Եվրոպական ժողովրդական կուսակցության անդամներ ՀՀԿ-ն և «Ժառանգություն» կուսակցությունը, Սոցիալիստների և Դեմիկրատների անդամ ՀՅԴ-ն, Եվրոպական պահպանողականների և բարեփոխիչների անդամ «Բարգավաճ Հայաստան» կուսակցությունը, Եվրոպայի լիբերալների և դեմոկրատների ալյանսի անդամ ՀԱԿ-ը, ինչպես նաև Եվրոպական ազատ ալյանսի անդամ Արցախի ժողովրդավարական կուսակցությունը։

Այսօր քաղաքական ուժերի ներկայացուցիչները նամակը հանձնեցին ԵՄ գրասենյակ։