Առաջին անգամ բուժվել է արհեստական բանականությունից կախվածություն ունեցողը

Sat, 09 May 2026 22:00:26 +0400

Իտալիայում առաջին անգամ բուժել են արհեստական բանականությունից կախվածություն ունեցողին։ Այս մասին հայտնում է Gazzettino-ն։ Համաձայն տեղեկությունների, բուժառուն, ով բուժվել է կախվածության այդ տեսակից, քսան տարեկան է, իգական սեռի։ Վերջինս անընդհատ օգտվել է արհեստական բանականությունից եւ որոշ ժամանակ անց՝ իրեն ապահով ու լիարժեք է զգացել միայն արհեստական բանականության «ընկերակցությամբ»։

Դրա պատճառով էլ նա սկսել է մեկուսանալ եւ նաեւ որոշ առումով՝ կտրվել իրականությունից։Նման կախվածությունը բժիշկների համար նոր բան չի եղել եւ ոչ էլ անսպասելի։ Նրանք կարծում են, որ տեխնոլոգիական առաջընթացի պայմաններում լիովին կանխատեսելի էր նման կախվածության առաջացումը։ Գիտնականները նշում են, որ արհեստական բանականությունը այնպես է կառուցված, որ ճանաչում է մարդուն ու պատասխանում՝ ինչպես նա է ցանկանում եւ դա մեծ գայթակղություն է ու «թակարդ»։