Օլիմպոս լեռը կարող է ճանաչվել համաշխպարհային ժառանգության մաս

Sat, 18 Jul 2026 23:45:29 +0400

Հունաստանի լեգենդար Օլիմպոս լեռը հնարավոր է ներառվի UNESCO-ի Համաշխարհային ժառանգության ցանկում։ Այս մասին հայտնում է Associated Press լրատվական գործակալությունը։ Հարցը քննարկվելու է Հուլիսի 19-29-ին, Հարավ-Կորեական Փուսանում կայանալիք UNESCO Համաշխարհային ժառանգության կոմիտեի նստաշրջանի ժամանակ։ Օլիմպոսի բարձրությունը 2918 մետր է։ Այն եթե ներառվի, ապա երկու պարամետրով է ներառվելու՝ եւ որպես բնական օբյեկտ եւ որպես մշակութային ժառանգության օբյեկտ։ Հունական կողմը գործընթացը սկսել էր դեռ 2014 թվականից։

Հիշեցնենք, որ համաձայն հին հունական դիցաբանության Օլիմպոսը համարվում է հին հունական «աստվածների» բնակավայրը։