Մեսսիի կինը արձագանքել է Ռոնալդուի հարսնացուի հայտարարությանը

Wed, 05 Aug 2026 20:15:02 +0400

Կրիշտիանու Ռոնալդուի հարսնացուն՝ Ջորջինա Ռոդրիգեսը, սոցիալական ցանցերում անդրադարձել է իր արտաքինի վերաբերյալ վերջին օրերին տարածված քննադատություններին։

Օգտատերերի մի մասը վերջին շրջանում մեկնաբանություններ էր անում Ջորջինայի արտաքին տեսքի վերաբերյալ՝ նշելով, թե նա ավելորդ քաշ է հավաքել։ Ի պատասխան՝ Ռոդրիգեսը հրապարակում է կատարել՝ ընդգծելով, որ մարդու մարմինը բնականաբար փոփոխվում է կյանքի ընթացքում։

«Իմ մարմինը կփոխվի, ինչպես բոլոր կանանց մարմինները։ Հուսով եմ՝ այդ փոփոխությունները դեռ երկար կշարունակվեն, քանի որ դա կնշանակի, որ ես ապրում եմ»,– գրել է նա։

Ռոնալդուի հարսնացուն նշել է նաև, որ ինքը մայր է, և Կրիշտիանուի հետ միասին իրենց երեխաներին փորձում են սովորեցնել՝ մարդկանց չդատել արտաքինի հիման վրա։

Հրապարակմանը արձագանքել են նաև հայտնի մարդիկ։ Մասնավորապես, Լիոնել Մեսսիի կինը՝ Անտոնելա Ռոկուցոն, Ջորջինայի լուսանկարի տակ թողել է աջակցող մեկնաբանություն՝ ծափահարող էմոջիների տեսքով։

Իր հերթին Կրիշտիանու Ռոնալդուն ևս արձագանքել է կնոջ հրապարակմանը՝ գրելով․ «Իմ սեր»։