Կարճացրե՛ք ձեր մորուքները․ Կադիրովը դիմել է տղամարդկանց, կանանց ևս հորդոր ունի

Wed, 09 Sep 2026 21:30:04 +0400

Չեչնիայի ղեկավար Ռամզան Կադիրովը դիմել է Չեչնիայի տղամարդկանց՝ կոչ անելով նրանց երկար մորուքներն ու կարճ տաբատները չդարձնել նորաձևության միտում։

Կադիրովը նշել է, որ երկար մորուք կրողների մեծ մասը չի այցելում մզկիթներին կամ մասնակցում ուրբաթօրյա աղոթքներին, այլ «շուրջօրյա զբոսնում է փողոցներով»։ Նա ասել է, որ երիտասարդները սկսում են ընդօրինակել սա։

«Ես կոչ եմ անում նրանց. կարճացրեք ձեր մորուքները և կրեք դրանք կրոնի համաձայն», – ասել է նա։

Հանրապետության ղեկավարը նաև դիմել է այն կանանց, ովքեր սկսել են ընդունել հանրապետությանը ոչ բնորոշ հագուստի ոճ՝ փարանջա կրելը։ «Նրանց նույնպես պետք է խրախուսել հագնվել իսլամին համապատասխան, այլ ոչ թե արաբական ոճեր ընդունել», – եզրափակել է Կադիրովը։