Պիտի սա կանգնեցնել․ համախմբվել է պետք

Mon, 21 Sep 2026 15:26:11 +0400

ՀԱԿ փոխնախագահ Արամ Մանուկյանը հայտարարել է, որ Հայաստանի անկախությունը, իր գնահատմամբ, ներկայում լուրջ վտանգների առաջ է կանգնած։ Ասուլիսի ընթացքում նա պնդել է, որ երկրի իշխանությունների գործողությունները համակարգված բնույթ են կրում և կարող են հանգեցնել պետության աստիճանական թուլացման ու կազմաքանդման։

Մանուկյանի խոսքով՝ ստեղծված իրավիճակը պետք է դիտարկել ոչ թե կուսակցական կամ քաղաքական առանձին շահերի, այլ պետական նշանակության խնդրի համատեքստում։ Նրա համոզմամբ՝ անկախության պահպանման հարցը պետք է դառնա տարբեր քաղաքական և հասարակական շրջանակների համախմբման հիմք։

Նա նշել է, որ անհրաժեշտ է քննարկումների մեջ ներգրավել քաղաքական ուժերին, քաղաքացիական հասարակության ներկայացուցիչներին, հասարակական կազմակերպություններին, մտավորականներին և այլ շրջանակների՝ անկախ նրանց տարիքից, սեռից կամ կրոնական պատկանելությունից։

Մանուկյանը նաև հայտնել է, որ հնարավոր է նախաձեռնվեն խորհրդակցություններ ինչպես սեփական քաղաքական ուժի շրջանակում, այնպես էլ այլ քաղաքական ուժերի հետ՝ ընդհանուր գործողությունների շուրջ համաձայնության գալու նպատակով։ Նրա խոսքով՝ կարևոր է մեկտեղել բոլոր այն մարդկանց և կազմակերպություններին, որոնք մտահոգված են երկրի ներկայիս իրավիճակով և անկախության պահպանման խնդիրը համարում են առաջնահերթ։

«Երկրի իշխանությունները ծրագրված, համակարգված գնում են երկրի ապամոնտաժման, այդ գործընթացի առաջը պետք է կանգնեցվի»,- ասել է նա։