«Ուժեղ Հայաստան»-ը հրաժարվել է «պադավատներից»

Sat, 26 Sep 2026 20:15:56 +0400

Մեր տեղեկություններով, Ազգային ժողովի «Ուժեղ Հայաստան» խմբակցության պաշտոն զբաղեցնող պատգամավորները, որոնք կարող էին Ազգային ժողովից ծառայողական մեքենաներ ստանալ, հրաժարվել են։ Տեղեկությունը ճշտելու համար դիմեցինք Ազգային ժողովի տեղեկատվության եւ լրատվության վարչություն, որտեղից հայտնեցին․ «Այս պահի դրությամբ, նախատեսված ծառայողական մեքենաները չեն օգտագործում «Ուժեղ Հայաստան» խմբակցության պատգամավորները»։

Նշենք, որ Ազգային ժողովի հաշվեկշռում առկա է 27 մեքենա, որից 14-ը սպասարկում է պատգամավորներին (ԱԺ Նախագահ, տեղակալներ, հանձնաժողովի նախագահներ, խմբակցության ղեկավարներ), 13-ը՝ աշխատակազմին։

Հիշեցնենք, որ «Ուժեղ Հայաստանը» հրաժարվել է նաև պարգևավճարներից, նրանք հայտարարություն են արել, որ հրաժարվում են տրվող պարգևավճարներից․ միջոցները որոշել են փոխանցել Տիգրանաշենի կարիքների համար։