Ռեկորդային ծախսեր՝ պատերազմի համար․ ի՞նչ է նախատեսում Ռուսաստանը

Tue, 29 Sep 2026 13:30:14 +0400

Հաջորդ տարի Ռուսաստանը նախատեսում է պաշտպանության վրա ծախսել 17.1 տրիլիոն ռուբլի (202.6 միլիարդ դոլար)՝ երկրի տարեկան բյուջեի մոտավորապես 35%-ը։

Սա պատերազմի սկզբից ի վեր նոր ռեկորդ է․ Կրեմլը ռազմական ծախսերի վրա ավելի շատ ծախսել է միայն Երկրորդ համաշխարհային պատերազմի ժամանակ, հաղորդում է Reuters-ը։

Կառավարության փաստաթղթերի համաձայն՝ 2027-ից 2029 թվականներին պաշտպանության համար նախատեսված է մոտավորապես 50 տրիլիոն ռուբլի (591.74 միլիարդ դոլար)։

Միևնույն ժամանակ, Ռուսաստանի 2026 թվականի բյուջեի դեֆիցիտի կանխատեսումը ՀՆԱ-ի 1.6%-ից աճել է մինչև 3.2%, իսկ նավթից և գազից ստացված եկամուտների գնահատականը՝ 8.9-ից նվազել է մինչև 7.6 տրիլիոն ռուբլի։

Ավելի վաղ Ռուսաստանի իշխանությունները 26%-ով՝ մինչև 5 տրիլիոն ռուբլի, մեծացրել էին 2026 թվականի ներքին վարկերի ծրագիրը և նախատեսում էին Ազգային բարեկեցության հիմնադրամից ծախսել 459 միլիարդ ռուբլի՝ դեֆիցիտը կրճատելու համար։