Հայաստանի սահմանը հատած ադրբեջանցին վերադարձվել է, Բաքվից են պնդում

Thu, 22 Oct 2026 14:54:36 +0400

Հայ-ադրբեջանական սահմանը հատած ադրբեջանցին վերադարձվել է, գրում են ադրբեջանական ԶԼՄ-ները։

Հիշեցնենք՝ նախօրեին հայտնի դարձավ, որ ադրբեջանցի հովիվ է հատել սահմանը, սակայն պետական կառույցները ո՛չ հերքում, ո՛չ էլ հաստատում էին լուրը։

Ադրբեջանական ԶԼՄ-ները գրեցին, որ սահմանախախտ ադրբեջանցին հարբած է եղել։

ԱԱԾ-ն այսօր հաղորդագրություն տարածեց, նշելով, որ հայ-ադրբեջանական սահմանը հատած ադրբեջանցին կվերադարձվի։

Հիշեցնենք` ըստ ԱԱԾ–ի՝ հոկտեմբերի 19-ին՝ ժամը 17:50-ի սահմաններում, Հայաստանի Հանրապետության տարածքում (Տավուշի մարզ) հայտնաբերվել է Թովուզի շրջանի Չատախ գյուղի բնակիչ, 1968թ. ծնված Ադրբեջանի Հանրապետության քաղաքացի Քասիմով Յաշար Ալի Օղլուն: Իրականացված ստուգողական միջոցառումների արդյունքում պարզվել է, որ ադրբեջանցին ՀՀ տարածքում հայտնվել է մոլորվելու արդյունքում։