Երեքշաբթի , 17 Նոյեմբերի 2026

Պատկերացրեք՝ ինչքան է վիճակը վատ, որ Գեղամ Մանուկյանն ինձ է ցիտում

Պատկերացրեք՝ ինչքան է վիճակը վատ, որ Գեղամ Մանուկյանն ինձ է ցիտում

Mon, 16 Nov 2026 14:01:22 +0400


Ընդդիմադիր գործիչ Արամ Մանուկյանը հայտարարել է, որ Հայաստանում ստեղծված քաղաքական իրավիճակն այն աստիճանի է հասել, որ նախկինում գաղափարական հակասություններ ունեցող քաղաքական ուժերը ստիպված են համատեղել ջանքերը։

Այս մասին նա ասել է «Հայաստան» խմբակցության նախաձեռնած՝ Հայաստանում ժողովրդավարության հետընթացին, քաղաքական հետապնդումների ենթարկվող անձանց իրավունքների պաշտպանությանը և իրավական երաշխիքներին նվիրված խորհրդարանական լսումների ժամանակ։

Մանուկյանի խոսքով՝ իրավիճակի լրջության մասին է վկայում նաև այն, որ Գեղամ Մանուկյանն իր ելույթներում մեջբերում է իրեն, իսկ ինքն էլ ստիպված է դրական արտահայտվել Գեղամ Մանուկյանի մասին։

Նա ընդգծել է, որ Հայաստանում կան քաղաքական ուժեր, որոնց միջև սկզբունքային և գաղափարական տարաձայնությունները շարունակում են մնալ։ Մասնավորապես, Մանուկյանը նշել է, որ ինքը երբեք չի ընդունի ՀՅԴ գաղափարախոսությունը, ինչպես և դաշնակցականները չեն ընդունի իրենց քաղաքական դիրքորոշումները։

Այնուամենայնիվ, նրա գնահատմամբ՝ ստեղծված իրավիճակը հանգեցրել է նրան, որ ՀՀՇ-ն, Հայ ազգային կոնգրեսը, Դաշնակցությունն ու մյուս քաղաքական ուժերը ստիպված են համագործակցել՝ չնայած նախկին տարաձայնություններին։

«Պատկերացրեք՝ ինչքան է վիճակը վատ, որ Գեղամ Մանուկյանն ինձ է ցիտում եթերում, ես Գեղամ Մանուկյան եմ գովերգում»,- ասել է նա:

© 2026 Հրապարակ

Source: Hraparak

Մասին Hraparak.am

Hraparak.am

Կարդացեք նաև

Ինչու՞ է դատարանով զրպարտիչ ճանաչված անձը դարձել Հ1-ի փոփ աստղը․․․

Ինչու՞ է դատարանով զրպարտիչ ճանաչված անձը դարձել Հ1-ի փոփ աստղը․․․ Mon, 16 Nov 2026 14:45:57 …

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով