Երեքշաբթի , 17 Նոյեմբերի 2026

Վաղը իշխանության չեք լինելու, դրա մասին մտածեք

Վաղը իշխանության չեք լինելու, դրա մասին մտածեք

Tue, 17 Nov 2026 12:33:18 +0400


«Ուժեղ Հայաստան» խմբակցության պատգամավոր Արգեա Հովսեփյանը խորհրդարանի նիստում քննադատել է իշխանություններին՝ նշելով, որ իշխող քաղաքական ուժը պատրաստակամություն չի ցուցաբերում երկրում առկա համակարգային խնդիրները քննարկելու համար։

Նրա խոսքով՝ ընդամենը օրեր առաջ բանտում մահացել է ընդդիմադիր քաղաքական գործիչ Արսեն Գևորգյանը, սակայն մինչ օրս հստակ պատասխաններ չեն ներկայացվել, թե ինչու էր նա գտնվում անազատության մեջ և ինչ հանգամանքներում էր հայտնվել այդ իրավիճակում։

Պատգամավորը տեղի ունեցածը դիտարկել է ժողովրդավարության հետընթացի համատեքստում՝ ընդգծելով, որ խնդիրը վերաբերում է ոչ թե առանձին քաղաքական ուժերի, այլ հասարակության բոլոր անդամներին։

Դիմելով «Քաղաքացիական պայմանագիր» խմբակցության պատգամավորներին՝ Հովսեփյանը հորդորել է հաշվի առնել իշխանության ժամանակավոր բնույթը և հիշել, որ քաղաքական իրավիճակը կարող է փոխվել։

«Դուք այսօր իշխանության եք, վաղը իշխանության չեք լինելու, դրա մասին մտածեք», – հայտարարել է նա։

© 2026 Հրապարակ

Source: Hraparak

Մասին Hraparak.am

Hraparak.am

Կարդացեք նաև

Մի խաբվեք

Մի խաբվեք Tue, 17 Nov 2026 09:00:51 +0400 Եթե կարծում եք, թե Մասիս Մելքոնյանին պատժելու …

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով