Ատրպատականի Հայոց թեմը հանդես է եկել կարեւոր հայտարարությամբ

Tue, 17 Mar 2026 13:45:28 +0400

Իրանի դեմ հարվածների ֆոնին Ատրպատականի հայոց թեմը դադարեցրել է եկեղեցական արարողությունները։ Այս մասին ասվում է թեմի հայտարարության մեջ, որը հրապարակել է իրանագետ Վարդան Ոսկանյանը։

Թեմական խորհուրդը Ատրպատականի հայոց թեմի առաջնորդ Գրիգոր արքեպիսկոպոս Չիֆթճյանի նախագահությամբ, նախազգուշական քայլեր են ձեռնարկել դադարեցնելով Թավրիզիում և Ուրմիայում եկեղեցական արարողությունները։ Երկու քաղաքների հայոց ազգային դպրոցները հեռավար են շարունակում դասերը։ Ազգային առաջնորդարանը շարունակում է աշխատել։ Հայ համայնքն այս փուլում վնասներ չի կրել. պայթյունների հետևանքով միայն պատուհանների ապակիներ են կոտրվել։