Ռազմական վերնախավը ճնշում է նախագահին․ Իրանում ճգնաժամ է

Wed, 01 Apr 2026 14:30:54 +0400

Իրանում կառավարության և զինվորական հրամանատարների միջև լարվածության սրման ֆոնին նախագահ Մասուդ Փեզեշքիանը հայտնվել է «լիակատար քաղաքական փակուղու» մեջ, հաղորդում է Iran International-ը:

Իսլամական հեղափոխության պահապանների կորպուսը (ԻՀՊԿ) դիմադրում է Փեզեշքիանի նշանակումներին և որոշումներին, և կենտրոնական իշխանության միջուկի շուրջ անվտանգության պատնեշ ստեղծելով՝ երկրի գործադիր կառավարումը փաստացի հեռացրել է կառավարության վերահսկողությունից։

Աղբյուրի փոխանցմամբ, հետախուզության նախարարի պաշտոնում թեկնածու առաջադրելու՝ նախագահի փորձերը կանգ են առել: Մասնավորապես, ուժային կառույցների բարձրաստիճան պաշտոնյաների ուղղակի ճնշման տակ բոլոր առաջարկված թեկնածուները, այդ թվում՝ Հուսեյն Դեհղանը, մերժվել են։

Այս քաղաքական փակուղու արդյունքում Փեզեշքիանը վերջին օրերին բազմիցս պահանջել է շտապ հանդիպում Գերագույն առաջնորդ Մոջթաբա Խամենեիի հետ, սակայն այս բոլոր խնդրանքները մնացել են անպատասխան, և որևէ հանդիպում կամ շփում տեղի չի ունեցել։