Ես 1 անգամ ասացի «անասուն», բոլորը զարմացան, հիմա Աժ-ում դա ամենանուրբ ու լավ բառն է

Sun, 05 Apr 2026 13:45:14 +0400

Մի անգամ հունից դուրս եմ եկել, յութուբում տարածվել է, երբ ասում եմ «անասուն», իսկ հիմա, որ Ազգային ժողովում եթե ասես «անասուն», ամենանուրբ ու ամենալավ բառն է:

20 տարի առաջ բոլորն ասում էին՝ «այդ ինչպես պրոֆեսոր Պետրոսյանն ասաց «անասուն»»: Հունից դուրս գալիս եմ, երբ անվճար ընդունում ենք, երեխաները գալիս են, բայց գալիս, 1 ժամ պարապում ու փախչում են: Կրկեսում չի կարող այդպես լինել: Թատրոնում կարող է լինել, օրինակ, մենք ունեցել ենք այնպիսի տիտաններ, ինչպիսիք են Հրաչյա Ներսիսյանը, Ֆրունզիկ Մկրտչյանը, Ավետ Ավետիսյանը և այլք, նրանք կարող էին փորձ չանել, բայց նրանց մեջ էություն կար: Ես դրա համար եմ զայրանում, երբ տեսնում եմ, որ երեխաները պարապում են ու չկա այդ շունչը, կիրքը»,- HerMine Dialog-ի շրջանակներում՝ անդրադառնալով յութուբում իր մասնակցությամբ հայտնի տեսանյութին, ասել է Կրկեսի գեղարվեստական ղեկավար Սոս Պետրոսյանը: