Սերժ Սարգսյանի ակնարկը՝ որ ընդդիմադիր ուժին կարող է աջակցել

Sun, 05 Apr 2026 14:30:21 +0400

Երեկ ՀՀԿ 18-րդ համագումարից հետո լրագրողների հետ ճեպազրույցում Հայաստանի երրորդ նախագահ Սերժ Սարգսյանը անդրադարձել է ընդդիմադիր դաշտին աջակցելու հարցին։

Պատասխանելով հարցին, թե կոնկրետ որ քաղաքական ուժին է պատրաստվում աջակցել, Սարգսյանը նշել է․ «Աջակցելու ենք ընդդիմադիրներին, ընթացքում կերևա, թե կոնկրետ որ ուժերին»։

Միևնույն ժամանակ, նա ընդգծել է, որ ընդդիմադիր դաշտի ներկայացվածությունը կարևոր է՝ անկախ առկա տարաձայնություններից։

Ուշագրավ է, որ լրագրողները ճեպազրույցի ընթացքում անդրադարձել են նաև Արման Թաթոյանին՝ նախկին ՄԻՊ-ին, որը Սարգսյանի նախագահության տարիներին զբաղեցրել է նաև արդարադատության նախարարի պաշտոնը։

Հարց է հնչել նաև՝ արդյոք հնարավոր է, որ Սարգսյանն աջակցի «Հայաստան» դաշինքին կամ դրա հետ կապվող ուժերին, սակայն Սարգսյանը խուսափել է հստակ պատասխան տալուց՝ փակագծերը չբացելով։ Նա նշել է, որ վերջնական պատկերը պարզ կդառնա նախընտրական քարոզարշավի ընթացքում։