10 կետանոց ծրագիր՝ պատերազմը դադարեցնելու համար․ Իրանը պատասխանեց ԱՄՆ-ին

Tue, 07 Apr 2026 11:27:32 +0400

Իրանը Պակիստանի միջնորդների միջոցով Միացյալ Նահանգներին է ներկայացրել պատերազմը դադարեցնելու 10 կետանոց ծրագիր, հաղորդում է The New York Times-ը։

Ըստ թերթի՝ Թեհրանը պահանջում է չհարձակվելու երաշխիքներ, պատժամիջոցների լիակատար վերացում և տարածաշրջանում դաշնակից ուժերի վրա հարձակումների դադարեցում։ Պայմանները ներառում են նաև վնասված ենթակառուցվածքների վերականգնման համար փոխհատուցում։

Փոխարենը, Իրանը պատրաստ է բացել Հորմուզի նեղուցը՝ առաջարկելով սահմանել մոտ 2 միլիոն դոլար վճար յուրաքանչյուր նավի համար։ Ըստ որոշ տեղեկությունների, միջոցների մի մասը նախատեսված է ենթակառուցվածքների վերականգնման համար։

ԱՄՆ նախագահ Դոնալդ Թրամփն արդեն մեկնաբանել է նախաձեռնությունը՝ այն անվանելով անբավարար։

«Սա նշանակալի առաջարկ է։ Սա նշանակալի քայլ է։ Բայց դա բավարար չէ», – ասել է նա։

Ավելի վաղ Միացյալ Նահանգները Իրանին ներկայացրել էր իր սեփական 15 կետանոց ծրագիրը, որը Թեհրանը անվանել էր «չափազանց, անսովոր և անտրամաբանական»։