ՊՆ նախկին փոխնախարարը քննադատել է Պուտինին

Fri, 17 Apr 2026 10:30:51 +0400

Եվրոպան պետք է Ռուսաստանի առաջնորդ Վլադիմիր Պուտինի գործողությունները ընկալի ոչ թե որպես ուժի ցուցադրություն, այլ որպես խոցելիության նշաններ։ Եվ օգտագործի այս պահը՝ ճնշումը մեծացնելու համար։

Այս մասին The Telegraph-ի իր սյունակում գրել է Մեծ Բրիտանիայի պաշտպանության նախկին նախարար Լիամ Ֆոքսը։

Հեղինակը շեշտում է, որ Կրեմլի ագրեսիվ հռետորաբանությունը և ցուցադրական սպառնալիքները ոչ այնքան վստահության նշան են, որքան իրական խնդիրները թաքցնելու փորձ։ Ռուսաստանը, չնայած ուժի իր արտաքին ցուցադրությանը, բախվում է լուրջ սահմանափակումների՝ թե՛ ռազմական, թե՛ տնտեսական։

Նշվում է, որ Մոսկվայի ռազմավարությունը մեծապես հիմնված է եվրոպական երկրների վախի և տատանումների վրա։ Կրեմլը խաղադրույք է կատարում, որ Եվրոպան սպառնալիքները կընդունի բառացիորեն և կխուսափի կոշտ միջոցներից՝ վախենալով սրացումից։

Այնուամենայնիվ, ինչպես ընդգծում է հեղինակը, հենց Եվրոպայի այս զգուշությունն է, որը ձեռնտու է Ռուսաստանին։ Զսպվածությամբ արձագանքելու փոխարեն, Լիամ Ֆոքսը առաջարկում է, որ եվրոպական պետությունները ավելի վճռական դիրքորոշում ընդունեն՝ ամրապնդելով իրենց աջակցությունը Ուկրաինային և մեծացնելով ճնշումը Մոսկվայի վրա։

Նրա պնդմամբ, հակամարտության երկարաձգումը օգուտ է բերում Կրեմլին, քանի որ այն նրան ժամանակ է տալիս հարմարվելու և գտնելու պատժամիջոցները շրջանցելու նոր եղանակներ։ Միևնույն ժամանակ, Եվրոպայի համար սա նշանակում է ռիսկերի աճ և մայրցամաքում անվտանգության հետագա վատթարացում։

Ներկայիս իրավիճակը հնարավորությունների պատուհան է բացում Եվրոպայի համար. Ռուսաստանի թուլությունը կարող է օգտագործվել հավասարակշռությունը փոխելու համար, բայց միայն այն դեպքում, եթե վարվի ավելի կայուն և հետևողական քաղաքականություն, եզրակացնում է հեղինակը։