Ալեն Սիմոնյանը հանդիպել է իր ադրբեջանցի գործընկերոջը

Fri, 17 Apr 2026 12:00:03 +0400

Ստամբուլում մեկնարկել է ՀՀ ԱԺ նախագահ Ալեն Սիմոնյանի և Ադրբեջանի Միլի Մեջլիսի ղեկավար Սահիբա Գաֆարովայի հանդիպումը: Այս մասին տեղեկանում ենք ադրբեջանական ԶԼՄ-ներից: Ավելի վաղ հայտնել էինք Սիմոնյանի և Գաֆարովայի կարճ շփման մասին:

«Հայաստանի և Ադրբեջանի խորհրդարանների խոսնակների միջև բանակցությունները տեղի են ունենում Միջխորհրդարանական միության 152-րդ վեհաժողովի շրջանակում»,- գրում են լրատվամիջոցները:

Նշենք, որ Միջխորհրդարանական միության 152-րդ վեհաժողովի շրջանակներում ՀՀ ԱԺ նախագահը հանդիպել է նաև Թուրքիայի խորհրդարանի՝ Ազգային մեծ ժողովի նախագահ Նուման Քուրթուլմուշի հետ։

Հիշեցնենք, որ վերջին անգամ Սիմոնյանը և Գաֆարովան հանդիպել են Ժնևում 2025 թվականի հոկտեմբերին ՝ Միջխորհրդարանական միության գլխավոր քարտուղար Մարտին Չունգոնգի ներկայությամբ։