ԵՄ-ն այսօր կքննարկի Հայաստանի հետ հարաբերությունների զարգացման հարցը

Tue, 21 Apr 2026 13:07:09 +0400

Եվրոպան ավելի արդյունավետ կապեր է կառուցում Կենտրոնական Ասիայի հետ՝ Հայաստանի, Ադրբեջանի և Թուրքիայի միջոցով։

Այս մասին լրագրողներին հայտնել է ընդլայնման հարցերով եվրահանձնակատար Մարթա Կոսը։

«Այսօր մենք տեսնում ենք, թե որքան հիմնավոր է Եվրահանձնաժողովի Սևծովյան ռազմավարությունը։ Այս ռազմավարության բաղադրիչներից մեկը կապակցվածությունն է։ Այս կապակցվածության շրջանակներում մենք ավելի լավ ենք կապում Եվրոպան Կենտրոնական Ասիայի հետ՝ Հայաստանի, Ադրբեջանի և Թուրքիայի միջոցով», – ասել է նա։

Կոսը ընդգծել է, որ առևտուրն ու էներգետիկան կապի հիմնական ոլորտներն են։

«Հյուսիսում առևտրային ուղիները փակ են Ռուսաստանի պատճառով, իսկ հարավային ուղիները կասեցվել են Իրանի հետ պատերազմի պատճառով», – նշել է եվրոպացի պաշտոնյան։

Նա հավելել է, որ այսօր ԵՄ-ն կքննարկի Հարավային Կովկասի երկրների, մասնավորապես՝ Հայաստանի, Ադրբեջանի և Թուրքիայի հետ հարաբերությունների զարգացման հարցը։