Ռուսաստանում մի քանի օր է՝ չեն կարողանում մարել խոշոր հրդեհը

Wed, 22 Apr 2026 21:00:42 +0400

Կրասնոդարի երկրամասի օպերատիվ շտաբի տվյալներով՝ հրշեջները շարունակում են մարել Տուապսեի ծովային տերմինալում ապրիլի 20-ի գիշերը անօդաչու թռչող սարքերի հարձակումից հետո բռնկված հրդեհը։

Հրդեհաշիջմանը մասնակցում է 276 մարդ և 77 միավոր տեխնիկա։ Հրդեհի մարման աշխատանքներին մասնակցում են նաև Արտակարգ իրավիճակների նախարարության Կրասնոդարի երկրամասի գլխավոր վարչության ստորաբաժանումները։

Ապրիլի 20-ին Կրասնոդարի երկրամասի ղեկավար Վենիամին Կոնդրատևը հայտարարեց, որ Տուապսեի նավահանգստում հրդեհ է բռնկվել, որը տեղի է ունեցել գիշերը անօդաչու թռչող սարքերի հարձակման հետևանքով։

Նախորդ օրը տարածաշրջանային օպերատիվ շտաբը հայտնեց, որ ծովային տերմինալում հրդեհի մարմանը մասնակցել է 246 մարդ և 73 միավոր տեխնիկա։