Ըստ Թրամփի՝ Իրանի վերնախավում խառնաշփոթ է

Fri, 24 Apr 2026 19:30:38 +0400

ԱՄՆ նախագահ Դոնալդ Թրամփի կարծիքով, Իրանում չեն կարողանում ընդհանուր հայտարարի գալ այն հարցի հետ կապված, թե ով է գլխավորելու երկիրը։ «Իրանում հիմա շատ բարդ է հստակեցնելը, թե ով է իրենց առաջնորդը։ Նրանք պարզապես դա չգիտեն»,- սոցկայքի իր էջում գրել է նա եւ հավելել, որ Իսլամական Հանրապետությունում չեն դադարում ներքին հակասությունները՝ քաղաքական տարբեր ճամբարների միջեւ։

Սպիտակ տան ղեկավարը նաեւ ասել է, որ Հորմուզի նեղուցն ամբողջովին գտնվում է Ամերիկայի հսկողության ներքո։ «Ոչ մի նավ չի կարող երթեւեկել առանց ամերիկյան ռազմածովային ուժերի թույլտվության։ Նեղուցը փակ կլինի այնքան ժամանակ, քանի դեռ Իրանը գործարքի պատրաստ չի լինի»,- ասված է գրառման մեջ։