Ոչ ոք իրավունք չունի բռնանալ մեր մտածողության վրա և ջնջել մեր հիշողությունը․ Զուրաբյանը՝ իշխանությանը

Fri, 24 Apr 2026 20:09:48 +0400

ՀԱԿ փոխնխագահ, վարչապետի թեկնածու Լևոն Զուրաբյանը գրել է․

«Նիկոլենք Հայոց Ցեղասպանության հարցը փորձում են ներկայացնել որպես «հայրենասիրության կայսերական մոդելի» ներշնչման արդյունք: Իրականում 1920-1930 թվականների այդ «կասրության» առաջնորդ բոլշեվիկները փորձում էին ջնջել հայերի մեջ ցեղասպանության մասին որևէ հիշողություն:

Հիմա այդ նույն բոլշեվիկյան քաղաքականությունը փորձում է որդեգրել նիկոլական իշխանությունը:

Հայոց Ցեղասպանության պահանջը չպիտի լինի Թուրքիայի հետ հարաբերությունների կարգավորման նախապայման և նման պահանջը չպիտի դրվի պետական արտաքին քաղաքականության օրակարգում: Այլ կերպ վարվելը ուղղակի վնասում է մեր շահերին:

Բայց ոչ ոք իրավունք չունի բռնանալ մեր մտածողության վրա և ջնջել մեր հիշողությունը, «շտկել» մեր ինքնությունը: Մենք կարող ենք հասնել խաղաղությանը ու բարիդրացիությանը Թուրքիայի հետ առանց մոռացության մատնելու մեր անցյալն ու պատմությունը:

Հիշողությունը չե´ս ջնջի»: